Rekister- da teâttsuõjjčiõlǥtõs
Tät lij Aanar kååʹdd kulttuurtuåim EU almmjallaž teâttsuõjj-asetõõzz (GDPR) meâldlaž rekister- da teâttsuõjjčiõlǥtõs. Rajjum 24.5.2018. Mââimõs muuttâs 24.5.2018.
1. Rekistertueʹllʼjeei
Aanar kåʹdd / Čuõvtemkoontâr / Kulttuurtuåimm, Piiskuntie 2, 99800 Âʹvvel
2. Rekisteeʹrest vaʹstteei õhttvuõttooumaž
Kulttuurpiisar Mirja Karjalainen, mirja.karjalainen@inari.fi, 040 776 7546
3. Rekisteeʹr nõmm
Aanar neäʹttli markknâʹsttemrekister
4. Vuõiggâdvuõttvuâđđ da persoonteâđai ǩiõtt’tõõllâm miârktõs
Täʹst rekisteeʹrest åårrai teâđaid ââʹnet Aanarneäʹttli markknâsttmõõžž da teâđtummuž diõtt.
5. Rekisteeʹr teâttsiiskõs
Rekisteera ruõkkât oođâsǩeeʹrj vuâsttavaʹlddi neʹttpååʹštaddrõs di tõʹst šõõddeeʹl še nõmm, što ääʹššvuäʹmsteei ooumaž jiõčč iʹlmmat tõn oođâsǩeeʹrj tiʹllʼjõõzz õhttvuõđâst.
6. Vuâkkõõzzmeâldla teâttkääiv
Rekisteera ruõkkâmvuâla teâdaid vuäǯǯat ääʹššvuäʹmsteei oummust jijstes tän õhtteen oođâsǩeeʹrj tiʹllʼjeeʹjen Aanarneäʹttli www-seeidain (www.inariviikot.fi). Rekisteera vueiʹtet õhtteed še Aanarneäʹttli šõddmõšjäʹrjsteeʹjid, õhttsažtuejjskeâpprid da jeeʹres čõõnâsjooukid sij jiijjâs miâsttmõõžžin Aanarneäʹttlid õhtteei õhttvuõđâânnmõõžž mieʹtt.
7. Teâđai vuâkkõõzzmeâldla luõvtummuž da teâđai serdd EU leʹbe ETA åålǥbeälla
Markknâʹsttemrekister lij oođâsǩeʹrjjprogramm MailChimpin seʹrvvrest USA:st. MailChimpist lij âânnmest ns. PrivacyShield Framework, koon mieʹtt teâđai suõjjeem lij raʹvvjum še EU:st primmum naaʹlin. Lââʹssteâđ MailChimpin teâttsuõjjnaaʹlin käunn’je addrõõzzâst https://mailchimp.com/legal/privacy/.
Aanar kååʹdd kulttuurtuåimm ij jeeʹrab uuʹd leʹbe seerd teâđaid EU leʹbe ETA åålǥbeälla.
8. Rekisteeʹr suõjdõõzz vuâđđjuurd
Markknâʹsttemrekister lij Aanar kååʹdd kulttuurtuåim ââʹnnem oođâsǩeʹrjjprograammâst, koozz peäʹsse tåʹlǩ kulttuurtuåim tuâjjlažkåʹdd da kulttuurpiisar dovernâʹsttem põrggâz (Viestintätoimisto Lapin Loitsu, WTF Design Oy), kook vieʹǩǩte Aanarneäʹttli markknâʹsttemsaakkummuž plaanummšest da čõõđtummšest. Piâssâm oođâsǩeʹrjjprograʹmme lij suõjjuum jeeʹrab suejjsaaʹnin.
9. Taʹrǩǩeemvuõiggâdvuõtt da vuõiggâdvuõtt õõlǥted teâđai koʹrjjummuž leʹbe teâđai jaukkummuž
Juâkksast rekisteeʹrest åårrai oummust lij vuõiggâdvuõtt tääʹrǩsted rekisteera ruõkkum teâđaid da õõlǥted vueiʹtlva vââǥǥla teâđ koʹrjjummuž leʹbe vännsõs teâđ tiuddummuž. Jõs ooumaž haaʹlad tääʹrǩsted suʹst ruõkkum teâđaid leʹbe õõlǥted tõid vuõiǥõõzz leʹbe raukkâd suu kuõskki teâđai jaukkummuž rekisteeʹrest, raukkmõš âlgg vuõltteed ǩeerjlânji rekistertueʹllʼjeeja. Rekistertueʹllʼjeei vaʹsttad raukkmõõžž čuäʹjteeja EU teâttsuõjj-asetõõzzâst šiõttuum ääiʹjest.
