Aanarneäʹttli prograʹmme raukkâp iʹlmmtet šõddmõõžž 26.5. mõõneeʹst
23.5.2017
Äʹrbbvuõđlaž sijddprääʹzniǩ, päärnaišõddmõõžž, markkân, torr-räämm, konseeʹrt, pelimannšõddmõõžž, čeäppõsčuäʹjtõõzz, luâđastjååttmõõžž, taans, teaʹtteer, Gamas Blues –festarr di teâđast WaterCross-motorǩeâlkk-ǩeâlb. Lääʹddjânnam šuurmõõzz da moččummõz kååʹdd ǩieʹzzest liâ šõddmõõžž juõʹǩǩâkksaid, leâša võl ǩiõrggnak noorrâd šiõǥǥ joouk plaaneed lââʹzz prograamm 21.–30.7.2017 riâššma Aanarneäʹttlid.
Puk piâtnâc 26.5. mõõneeʹst iʹlmmtum šõddmõõžž ǩiõrggne mieʹldd vuuʹd dommtäälid da põrggsid neäʹttlest 26 jueʹǩǩma programmlõʹstte. Šõddmõõžžid vuäitt iʹlmmted mieʹldd Aanarneäʹttli neʹttseeidain åårrai lääʹddǩiõllsaž lomaakkin: https://www.inariviikot.fi/fi/ilmoita-tapahtuma/ leʹbe vuõiʹǧǧest kulttuurpiisar Mirja Karjalainen, mirja.karjalainen(at)inari.fi.
Puk 26.5. mââibeäʹlnn iʹlmmtum šõddmõšteâđ peeiʹvtet neʹttseeidain åårrai prograʹmme. Tän eeʹjj programmõʹhtteǩeässmõõžž õlmstââʹttet Aanarneäʹttli neʹttseeidain vuõssmõs vuâra še pukin sääʹmǩiõlin.
