Register- já tiätusyejičielgiittâs

Taat lii Aanaar kieldâ kulttuurtooimâ EU almos tiätusyejiasâttâs (GDPR) miäldásâš register- já tiätusyejičielgiittâs. Rahtum 24.5.2018. Majemuš nubástus 24.5.2018.

 

1. Registertuállee

 

Aanaar kieldâ / Čuovviittâsuásádâh / Kulttuurtoimâ, Piiskuntie 2, 99800 Avveel

 

2. Registerist västideijee ohtâvuotâolmooš

 

Kulttuurčällee Mirja Karjalainen, mirja.karjalainen@inari.fi, 040 776 7546

 

3. Register nommâ

 

Aanaarohoi markkânistemregister

 

4. Riehtivuáđustâs já olmooštiäđui kieđâvuššâm tárguttâs

 

Taan registerist orroo tiäđuh kiävttojeh Aanaarohoi markkânistem já tieđettem várás.

 

5. Register tiätusiskáldâs

 

Registerân vyerkkejuvvoo uđâsreeivâ vuástáväldee šleđgâpostâčujottâs sehe ton tábáhtusâst meid nommâ, jis áášánkullee olmooš jieš almoot tom uđâsreeivâ tiilám ohtâvuođâst.

 

6. Njuolgâdusmiäldásiih tiätukäldeeh

 

Registerân vyerkkimnáál tiäđuid finnip áášánkullee ulmust alnees talle ko sun siärvá uđâsreeivâ tiilájeijen Aanaarohoi www-siijđoin (www.inariviikot.fi). Registerân puáhtá lahteđ meid Aanaarohoi tábáhtusuárnejeijeid, oovtâstpargokuoimijd já eres čanosjuávhuid sii jieijâs mietâmâššáin Aanaarohhoid lohtâseijee ohtâvuođâtoollâm mield.

 

7. Tiäđui njuolgâdusmiäldásiih luovâtmeh já tiäđui sirdem EU tâi ETA ulguubel

 

Markkânistemregister lii uđâsreivâohjelm MailChimp palvâlmist USA:st. MailChimpist lii kiävtust nk. Privacy Shield Framework, mon mield tiäđui suoijim lii visásmittum meid EU:st tuhhiittemnáál vuovvijn. Lasetiäđuh MailChimp tiätusyejivuovijn láá čujottâsâst https://mailchimp.com/legal/privacy/.

 

Aanaar kieldâ kulttuurtoimâ ij sierâ luovât tâi sirde tiäđuid EU tâi ETA ulguubel.

 

8. Register suoijim prinsiipeh

 

Markkânistemregister lii Aanaar kieldâ kulttuurtooimâ kevttim uđâsreivâohjelmist, moos pyehtih peessâđ tuše kulttuurtooimâ pargeeh já kulttuurčällee váldásmittem irâttâsah (Viestintätoimisto Lapin Loitsu, WTF Design Oy), moh išedeh Aanaarohoi markkânistemviestâdem vuáváámist já olášutmist. Uđâsreivâohjelmân peessâm lii syeijejum sierâ syelisaanijn.

 

9. Tärhistemvuoigâdvuotâ já vuoigâdvuotâ vaattâđ tiäđu tivvoom tâi tiäđui meddâlistem

 

Jyehi ulmust, kote lii registerist, lii vuoigâdvuotâ tärhistiđ suu registerân vyerkkejum tiäđuid já vaattâđ máhđulii puástutiäđu tivvoom tâi vááijuvlii tiäđu tievâsmittem. Jis olmooš haalijd tärhistiđ sust vyerkkejum tiäđuid tâi vaattâđ tooid njuolgim tâi pivdeđ sunjin kyeskee tiäđui sikkom registerist, te pivdem kalga vuolgâttiđ kirjálávt registertuállei. Registertuállee västid pivdem oovdânpyehtei EU tiätusyejiasâttâsâst asâttum ääigi siste.